Австралийн Элчин сайдын яам
Монгол Улс

Урлаг, соёл

Австралийн үндэсний галлерейнүүд

Австралийн үндэсний галлерей

 

 

 

 

 

Үндэсний галлерейн үзмэрүүд нь Австралийн үндэсний цуглуулгын нэг хэсэг юм. Австрали, Уугуул иргэд, Торрес Стрэйт арлынхан, Ази, Европ Америкийн урлаг гэсэн дөрвөн үндсэн хэсэгт хуваагдах нийт 160 гаруй мянган байнгын үзмэртэй.

Холбоо барих
Ажлын цаг: Өдөр бүр 10.00-17.00 (Крисмасын баяраар хаана)
Ерөнхий мэдээлэл: +61 2 6240 6411
Байршил: Канберра, Паркс. Паркс Плэйс
Тасалбар: Ерөнхий үзвэр үнэгүй. Тусгай үзэсгэлэнгийн тасалбар үнэтэй байж болно.
Цахим хуудас: www.nga.gov.au

 

Викториягийн үндэсний галлерей

 

 

 

 

 

 

Викториягийн үндэсний галлерей нь Австралийн хамгийн эртний, мөн хамгийн олон үзэгчтэй галлерей юм. Гайхалтай хоёр барилгыг дамжин орших Викториягийн үндэсний галлерей нь бүс нутаг дахь хамгийн гайхалтай урлагийн бүтээлийн цуглуулгатай. Хэдэн мянган жилийн настай, баялаг санаа, төрөл бүрийн дэг, хэв маяг бүхий 70 гаруй мянган   үзмэртэй. Галлерейд мөн олон улсын болон орон нутгийн уран бүтээлчдийн үзэсгэлэн, хувцас загвар, дизайн, архитектур, хөгжим, бүжгийн арга хэмжээ зохион байгуулдаг.

Холбоо барих
Ажлын цаг: Мягмар гарагаас бусад өдөр бүр 10.00–17.00. Улаан өндөгний баяр, Крисмасаар амарна.
Ерөнхий мэдээлэл: +61 3 8620 2222
Байршил: Килда зам, 180 дугаар гудамж. Мелбурн.
Тасалбар үнэгүй.
Цахим хуудас: www.ngv.vic.gov.au

 

Нью Сауд Уэлсийн Арт галлерей

 

 

 

 

 

Нью Сауд Уэлсийн Арт галлерей нь Австралийн тэргүүлэх музейнүүдийн нэг юм.  Жил бүр нэг сая орчим хүн тус музейн Австрали, уугуул иргэд, Европ, Ази, контемпорари урлагийн үзмэр, цуглуулгыг таалан сонирхдог. Хотын төвөөс 15-хан минутын зайд орших уужим талбай, гэрэл гэгээтэй галлерейд та Австрали болон олон улсын тевшний урлагийн бүтээлийг үзэж сонирхохоос гадна  нь Сиднейн усан онгоцны зогсоол, боомтыг тольдон харах боломжтой. Галлерейд жилд 30 гаруй темпорари үзэсгэлэн гардаг бөгөөд Archibald Prize, ARTEXPRESS зэрэг үзэсгэлэнг дурдаж болно.

Холбоо барих
Ажлын цаг: Өдөр бүр 10.00-17.00 (Крисмасын баяраар хаана)
Галлерейн дэлгүүр өдөр бүр 10.00-16.45, Лхагва гарагт 21.00 цаг хүртэл ажиллана.
Ерөнхий мэдээлэл: +61 2 9225 1700
Байршил: Сидней, Домэй. Арт Галлерейн Зам
Тасалбар үнэгүй. Тусгай үзэсгэлэн, арга хэмжээ үнэтэй байж болно.
Цахим хуудас: www.artgallery.nsw.gov.au

 

Өмнөд Австралийн Урлагийн галлерей

 

 

 

 

 

 

 

Аделайдын урлагийн өргөн чөлөөнд орших Өмнөд Австралийн Урлагийн галлерей нь Австралийн гайхамшигтай урлагийн цуглуулгын өлгий юм. Австрали, Европ, Хойд Америк, Азийн уран бүтээлчдийн нийт 38 мянган цуглуулгыг үзэж сонирхохоор тус музейд жилд хагас сая хүн ирдэг.

Холбоо барих
Ажлын цаг: Өдөр бүр 10.00-17.00 (Крисмасын баяраар хаана)
Ерөнхий мэдээлэл: +61 8 8207 7000
Байршил: Аделайд, Хойд Террас
Тасалбар үнэгүй. Зарим тусгай үзэсгэлэн үнэтэй байж болно.
Цахим хуудас: www.artgallery.sa.gov.au

 

Баруун Австралийн Урлагийн галлерей

 

 

 

 

 

 

1895 онд байгуулагдсан Баруун Австралийн Урлагийн галлерей нь Пертийн соёлын төвийн зүүн өмнөд хэсэгт орших соёлын өв болсон гурван барилга дамжин байрладаг.  Галлерейн үзмэрт урлагийн үндэсний цуглуулга, тэр дундаа уугуул иргэдийн урлагийн сор болсон бүтээлүүд багтана.  Австрали болон Энэтхэгийн далай даган орших нутаг орнуудын бүтээлийг голчлон цуглуулдаг энэ галлерей баруун Австралид оршдог бөгөөд дэлхийн хамгийн сонирхолтой соёлын олон төвд газар зүйн хувьд ойр байрладаг нь томоохон давуу тал болдог. Тиймдээ ч галлерейн хөтөлбөр, үзэсгэлэн, цуглуулга, арга хэмжээнд ихээхэн нөлөөлдөг байна.

Холбоо барих
Ажлын цаг: Мягмар гарагаас бусад бүх өдөр 10.00-17.00 цагийн хооронд нээлттэй. Улаан өндөгний баяр, Анзак өдөр, Крисмасаар амарна.
Ерөнхий мэдээлэл: +61 8 9492 6622
Байршил: Пертийн Соёлын төв
Тасалбар үнэгүй. Сайн дураараа хандив өргөж болно.
Цахим хуудас: www.artgallery.wa.gov.au

 

Хойд бүс нутгийн урлагийн галлерей, музей

 

 

 

 

 

 

 

Хойд нутгийн музей, урлагийн галлерей нь Top End-ийн анхны соёл, урлагийн байгууллага юм. Дарвин дахь Арафура тэнгисийг тольдон орших Хойд нутгийн музей, урлагийн галлерей нь олон улсад алдартай урлаг, соёл, шинжлэх ухааны цуглуулга, судалгааны хөтөлбөрүүдийн төв юм.
Жил бүр Хойд нутгийн музей, урлагийн галлерей сор болсон цуглуулгуудаа нэгтгэн, сонирхолтой үзэсгэлэн гаргахаас гадна Австралийг тойрон аялдаг. Австралид хамгийн нэр нөлөөтэйд тооцогдох Телстра үндэсний уугуул иргэд, Торрес Стрэйт арлынхны урлагийн шилдгийг шалгаруулах шагнал гардуулах ёслолыг мөн энд зохион байгуулдаг.

Холбоо барих
Ажлын цаг: Даваагаас Баасан гарагийн 09.00-17.00 цаг.
Бямба, Ням гарагт болон нийтийн амралтын өдөр 10.00-17.00 цаг
Крисмас, Крисмасын дараах өдөр, Шинэ жил, Улаан өндөгний баяраар хаана.
Ерөнхий мэдээлэл: +61 8 8999 8264
Байршил: Дарвин. Гаарденс. Коначер гудамж 19
Цахим хуудас: www.magnt.net.au

 

Куинслэндийн Арт галлерей |Модерн арт галлерей

 

 

 

 

 

 

 

Брисбаны урлагийн амьдралыг чимсэн Куинслэндийн Арт галлерей, Модерн арт галлерей нь онцгой содон мэдрэмжийг үзэгч олонд төрүүлдэг. Түүхэн болон контемпорари уран бүтээлчдийн бүтээлийг дэлгэн тавьсан Австралийн болон олон улсын үзэсгэлэн, олон талт хөтөлбөрүүдээрээ дамжуулан, урлаг хүмүүсийг хооронд нь холбох зорилготой.

Куинслэндийн Арт галлерей, Модерн арт галлерейд орших Хүүхдийн урлагийн төв нь бүх насныханд зориулсан сонирхолтой үзэсгэлэн, арга хэмжээ зохион байгуулдаг бөгөөд тус галлерейд байрлах кино театр нь нөлөө бүхий, алдартай уран бүтээлчдийн кино үзүүлдэг.

Холбоо барих
Ажлын цаг: Өдөр бүр 10.00-17.00 цаг. Улаан өндөгний баяр, Крисмасаар ажиллахгүй. Анзак өдөр 12 цаг хүртэл ажиллана.
Ерөнхий мэдээлэл: +61 (0)7 3840 7303
Байршил: Брисбан. Өмнөд эрэг. Соёлын Дүүрэг. Стэнли Плэйс
Цахим хуудас: www.qagoma.qld.gov.au

 

Тасманийн музей, арт галлерей

 

 

 

 

 

Тасманийн музей, арт галлерей нь музей, урлагийн үзмэрийг нэгтгэсэн, мөн Тасманийн байгаль, соёлын өвийг хамгаалсан, онцлогийг тусгасан хатаамал ургамлын цуглуулгатай. Австралийн хоёр дахь эртний музей бөгөөд тус улсын түүхтэй холбоотой нутаг дэвсгэрт оршдог. Энэ музейд 800 гаруй мянган чулуужсан үлдэгдэл мөн урлагийн бүтээл бий.

Холбоо барих
Ажлын цаг: Даваа гарагаас бусад бүх өдөр 10.00-16.00 цагт нээлттэй.
Тасалбар үнэгүй. Зарим тусгай үзэсгэлэн үнэтэй байж болно.
Ерөнхий мэдээлэл: +61 3 6165 7000
Байршил: Тасмания, Хобарт, Данн Плэйс
Цахим хуудас: www.tmag.tas.gov.au